2000. urteko abendutik, Balmasedak Ekintza Positiboko I. Udal Plana dauka, eta horren bitartez lortu nahi dena da udalerriko emakumeak eta gizonak aukera berdintasunaren gaiaz arduratzeaz gain, helburuak lortzen esku har dezatela. Horretarako planean jasotako jardueretan parte hartu beharko dute batzuk zein besteek. Bide horretatik, guztion artean lortuko dugu emakumeek hainbat arlotan jasaten duten desberdintasun egoera gainditzea (hezkuntzan, kulturan, enplegu mailan, osasun arloan…). Horrela, gizonek eta emakumeek benetan aukera berdinak izatea lortuko dugu.

Egitasmo horrekin lortu nahi duguna da benetako berdintasun eta erantzukidetasun osoa izateko dauden oztopoak bazterreratzea.

Zertan datza plana?

Lan egitasmoa bat da, Balmasedan emakumeen eta gizonen aukera berdintasunaren arloan burutu beharreko ekintzak ezartzen dituena.

Zer lortu nahi dugu?

Balmasedako emakumeek bizi dituzten bazterkeria egoerak zuzentzea, eta sexuen arteko aukera eta tratamendu berdintasuna lortzea.

Nola lortu nahi dugu?

Ekintza positiboen bitartez; bazterkeria egoera zehatzak zuzen-zuzenean aldatuko dituzten ekintzen bitartez. Ekintza horiek beharrezko tresnak dira gizon eta emakumeen eskubide berdintasunetik aukera berdintasunera igarotzeko.

Kultura Arloa

Helburua: laguntza ematea emakumeei kultura arloko adierazpenetara joan eta horietan esku hartzeko.

Kirol Arloa

Helburua: adin guztietako emakumeak kirol ekintzetara joan eta horietan parte har dezatela bultzatzea.

Hezkuntza Arloa

Helburua: pedagogia filosofia berri bat bultzatzea, pertsonen garapen osoa lortzen eta bazterkeriarik ekarriko ez duten eta gizarte desberdintasunen aurka joko duten hezkuntza ereduak sortzen laguntzeko.

Lanerako Prestakuntzaren eta Enpleguaren Arloa

Helburua: lanean aukera berdinak izateko erraztasunak ematea eta emakumeen enplegua bermatzeko prestakuntzak duen garrantzia azpimarratzea.

Osasun Arloa

Helburua: emakumeen osasun integrala sustatzea; horien biologia, psikologia eta gizarte ongizatea bultzatzea.

Gizarte Zerbitzuen Arloa

Helburua: oro har, biztanleen gizarte ongizatea sustatzea eta bereziki emakumeena. Bazterkeria, egokitu ezina, bereizkeria eta gizarte arriskua prebenitzea, eta gizarte zerbitzu eta baliabide egokien eskaintza sustatzea.

Esku Hartze Politikoaren eta Elkartegintzaren Arloa

Helburua: emakumeek elkartegintzan esku hartzea bultzatzea; eta emakumeek beren eskubideen alde lan egin dezaketen sindikatuetan, eta politika zein gizarte erakundeetan parte hartzea sustatzea.

Hirigintza Arloa

Helburua: gure herriaren diseinua, antolaketa eta funtzionamendua emakume eta gizonen bizi kalitatearen mesederako izan daitezela bultzatzea, eta horiek gizon eta emakumeen baldintza, egoera eta premien arabera egokitzea.

ZERGAITIK ONARTZEN DA PLAN HAU?

Berdintasunerako plan horrek ez du helburutzat emakumeen egoeran egiturazko aldaketa eragitea, hori toki erakundeen eskumenetik kanpo baitago. Hala ere, emakumeen egoera eta gizonena parekoak izatea lortu nahi du.

Emakumeen Arlokoak lanean ari gara plan horrek epe labur-ertainean eragina izan dezan udalerriko egunerokoa aldatzen. Horretarako, gogoz jasoko dugu helarazi nahi diguzuen edozein iradokizun. Bi aukera daukazue hori egiteko: udaletxera etorri edo e-posta erabili, gure helbidea mujer@balmaseda.net da.

Balmasedako Udala :argazkien erakusketa EMAKUMEEN ETXEA:::

http://www.balmaseda.net/balmanet/Mujer/slideshow.htm

Oso garrantzitsua da zuen iritzia guri helaraztea, horrela udalerriko emakume guztien onerako lan egin ahalko baitugu.